Grupo Scout ILEX 695

Grupo Scout laico en Ourense

Queremos ser máis!

Queremos achegar a nosa proposta educativa a máis familias da nosa cidade e para iso comezamos a facer un gran esforzo para darnos a coñecer a mediados de setembro, coincidindo co inicio do curso escolar e a poucas semanas de iniciar as nosas actividades.

Máis información sobre as nosas actividades scouts

Se acabas de coñecernos e queres recibir máis información para inscribir a un rapaz ou rapaza por favor, emprega o seguinte formulario, ou se tes 20 ou máis anos e queres formar parte da nosa equipa de voluntariado escríbenos.

(máis…)


Paisaxes espectaculares para momentos extraordinarios

Portada

O pasado 4 e 5 de xuño, xuntámonos co Club Alpino Ourensán para desenvolver unha actividade conxunta de sendeirismo a través das fermosas e singulares paisaxes da Ribeira Sacra que adornan o Concello de Parada do Sil, onde establecimos o noso campamento base para estes dous días de aventura.

Una vez chegamos, xuntámonos todos para, dende o miradoiro principal, abraiarnos coas fabulosas vistas do Canón dos Sil para seguidamente, emprender camiño en rutas diferentes para cada unha das sección, Manda e Tropa, adecuadas as diferentes capacidades propias de cada grupo de idade.

(máis…)


Campamento de verán: celebra con nós o fin de curso!

SS26As clases a piques de rematar, o verán xa quere comezar… chega o momento de pensar nas vacacións! E dende o noso grupo queremos celebrar con vós o fin da rolda de actividades. Para elo presentámosvos esta proposta que estamos seguros que será do voso agrado: comeza o verán cun campamento de 6 días rodeado de natureza e cheo de actividades dinámicas e divertidas: aprenderemos a facer construcións útiles para a vida no campamento, a cociñar a nosa propia comida, a orientarnos e seguir pistas para chegar a sitios de interese, e moitas cousas máis! E por suposto xogaremos, cantaremos e o pasaremos xenial.

Día límite de inscrición: 17 de xuño. Na asignación de prazas terán preferencia aquelas persoas que vivan no concello de Ourense ou localidades próximas.

(máis…)


A prevención, a base sobre a que construir un futuro saudable

reunión de traballo da Tropa ScoutEntre aventura e aventura, e mesmo durante, educamos sempre. E a educación pola saúde é un dos moitos eidos educativos que abordamos de xeito transversal ao longo de toda a nosa programación. Así, para construir un futuro saudable, durante os últimos meses estivemos traballando coa Tropa ao longo de varias das nosas actividades das mañás de todos os sábados e mesmo nos campamentos aspectos relacionados coa saúde. Puxemos especial atención á prevención da aparición de conductas non saudables que no futuro poderían facer máis vulnerables aos rapaces e rapazas fronte a substancias ou actividades adictivas. (máis…)


Yuka apúntase aos scouts

yuka é scoutDende a empresa Yuka Animación e Lecer, especializada en animacións infantís e na que traballas algúns doso nosos voluntarios e voluntarias, entenden o noso compromiso educativo e sempre están dispostos a colaborar co noso grupo. A súa icónica persoaxe Yuka, un trasno que vive noutra dimensión, que é o protagonista das súas animacións ben de sumarse aos scouts e xa luce a nosa pañola scout. (máis…)


Sendeirismo pola Ribeira Sacra

En Parada do Sil. Ribeira Sacra ourensana.

O próximo fin de semana, 4 e 5 de xuño, desenvolveremos co Club Alpino Ourensán unha ruta de sendeirismo, unindo nunha mesma actividade deporte e aventura, e aproveitando para compartir experiencias entre asociacións ourensás. A actividade terá lugar no concello de Parada de Sil, na Ribeira Sacra e o canón do Sil, seguindo o percorrido do PR-G 98. Esta é unha actividade aberta así que podes convidar a participar a algunha amiga ou amigo.

(máis…)


Gran cumpreanos de Akela!

Cumpreanos Akela 1

Este sábado terá lugar unha actividade moi especial para a Manda do Grupo Scout Ilex: celebramos o aniversario de Akela! E como bo Vello Lobo da Manda quere rodearse de moitas e moitos amigos. Se tes entre 8 e 11 anos, gústanche as aventuras e as festas de cumpreanos e tes moitas ganas de aprender e pasalo ben, apúntate!

Deixa os teus datos no seguinte formulario, descargarte e enche a autorización de asistencia e o documento de dereitos de imaxe e… vémonos o sábado! (máis…)


Un encontro scout ao grande

Portada

A primeira fin de semana de abril as e os scouts do Grupo Ilex volvemos a coller mochila e saco para lanzarnos á aventura. Desta vez, o destino sería A Coruña e, o obxectivo, un encontro cos diferentes grupos de ASDE-Scouts de Galicia. A viaxe era longa, pero aguantamos coma campioas e campións cantando e escoitando historias. Antes de decatarnos, chegamos! Estábamos nerviosas e expectantes.

(máis…)


Aprender a participar, participando

Aprender a participar: Infancia con dereito a participar e método scout

Este mércores, 20 de abril, explicaremos na Facultade de Ciencias da Educación en Ourense, os fundamentos educativos do método scout e a súa potencialidade para canalizar o dereito participación infantil e xuvenil, de aprender a participar, participando. Será na Facultade de Ciencias da Educación, na Aula 1.5 a partir das 17:30 horas.

Nenos, nenas e adolescentes teñen universalmente recoñecidos os seus dereitos dende hai pouco máis que media centuria. A Convención sobre os Dereitos dos Nenos e as Nenas leva é o tratado internacional máis ratificado da historia. E o máis importante: desde 1989 a infancia convértese en suxeito de dereito e deixa de considerarse como mero obxecto de protección. (máis…)