Grupo Scout ILEX 695

Grupo Scout laico en Ourense

Lumes Nunca Máis

lumesNUNCAmaisDespois dunha semana negra onde a serra do Xurés ardeu de lado a lado, onde a provincia de Ourense se cubríu de cinza obstaculizando así a entrada dos raios do sol e difuminando o azul, chegou o domingo. Hoxe en menos de 24 horas os arredores de Vigo víronse afectados por 80 lumes facendo que o Índice de Risco Diario de Incendio Forestal (IRDI) sexa agora de máis dun 81% na maioría do territorio galego segundo a Conselleria do Medio Rural da Xunta de Galicia..

É por isto que nos vemos obrigados, polos nosos principios scouts (“a e o scout ama e protexe á natureza”), a denunciar esta serie de sucesos que traen como consecuencia a pérdida de toda unha historia colectiva e pérdidas de propiedades individuais cheas de recordos e vivencias. Ao mesmo tempo, recordar que antes de desaloxar as casas, o gando e o resto de animais que conviven con nós tamén teñen o mesmo dereito a sobrevivir a esta masacre, liberémolos. Poderías ser ti, poderiamos ser nós.

Animamos a todas e todos a participar nas próximas concentracións reclamando os cambios necesarios na política forestal que servan para resolver este eternizado problema. Protexer a Natureza é un deber de todas e todos.


Actividade coas familias

13458499_592224574272014_3469277997352630851_oO método scout ten como actores fundamentais a educadores e educandos, máis a familia das nosas rapazas e rapaces é unha terceira pata do trípode que sostén o colectivo, polo que tamén o seu papel na metodoloxía scout. Nesta ocasión no inicio de curso queremos resevar unha actividade que nos permita coñecernos un pouco mellor, creando un espazo horizontal onde tamén podamos aprender uns dos outros e facer achegas para un mellor desenvolvemento da nosa actividade. (máis…)


EcoCampamento Scout … en marcha!

Un novo comezo de rolda e novas aventuras empezan a xurdir e como é xa tradicional empezamos cun campamento ¡que é o que máis nos gusta facer! E para esta ocasión desprazámonos ata Lalín, ata a zona de Mouriscade que goza dun entorno natural inmellorable para un campamento no que a premisa ambiental será fundamental, demostrando que o scout e a scout aman e protexen a Natueza.

(máis…)


Campamento de verán “Aventuras Scouts”

aventuras scoutsO verán xa está á volta da esquina. Os días son máis longos e o solciño quenta ata ben tarde. Que mellor época para desconectar ao aire libre?

Queremos invitar a todos aqueles rapaces e rapazas de 8 a 14 anos a vivir unha aventura única no noso campamento de verán, que terá lugar do 15 ao 26 de agosto no recinto de Penedos de Xacinto, en Entrimo, ás portas do Parque Natural Baixa Limia e Serra do Xurés e Reserva da Biosfera Transfronteiriza Gêres-Xurés, con grandes valores naturais dos que poderán aprender e gozar as rapazas e rapaces que participen desta experiencia.

Derradeira chamada! Aínda que o prazo xa rematou, aínda queda algunha praza, que pode ser vosa! Bulide e apuntádevos, que xa temos que pechar! A día 30 de xuño estamos chamando ás persoas preinscritas, e tamen crearemos unha lista de espera se dase o caso.
(máis…)


Campamento de verán: fai voluntariado!

IMG_20160624_131359

Nos scouts tratamos de promover unha educación integral e a implicación social de nenos/as e xóvenes, traballando coa ilusión de construir un mundo mellor.

Pero tamén dámoslle a oportunidade a persoas adultas de traballar con este fin, ademais de gañar experiencia e confianza no traballo con menores e, por suposto, gañas de pasalo ben.

(máis…)


Saímos do labirinto!

081.Todos4

Entre os días 8 e 12 de abril deste ano, 20 rapaces e rapazas da sección Tropa viaxaron ata o Parque Nacional de Invernadoiro cunha misión. Sobrevivir ao labirinto e desmontar a CRUEL. Así discorreo o campamento inspirado na saga “O Corredor do labirinto”.

(máis…)


Sábado especial para a Manda

IMG_20170318_113548O pasado sábado 18 de marzo foi un día moi especial para a nosa Manda do pobo libre: fixemos de master chefs e elaboramos as nosa propia comida! Unha rica e deliciosa pasta. Comezamos pola maña elaborando a masa para elo: primeiro lavámosnos ben as mans e despois puxémonos á faena. Baloo repartiunos nun prato de plástico a fariña, coa cal fixemos unha especie de volcán para despois botarlle un ovo dentro; unha vez feito isto comezamos a amasar e a darlle forma de todas as maneiras: apertando ben forte, batendo contra a mesa, etc… unha vez que o fixemos o envolvemos con film e o deixamos reposar. Mentres Baloo controlaba o repouso e elaboraba a rica salsa de tomate con salchichas, Irmán Gris e máis Akela xogaban cos lobatos e lobatas ao pictonary.

(máis…)


A Tropa recorrerá o Parque Natural O Invernadeiro

FolletoSe aproximan as vacacións de Semana Santa, e por suposto parte delas as pasaremos de campamento. Nesta ocasión achegarémonos ao Parque Natural O Invernadeiro, situado no término municipal de Vilariño de Conso. Aloxarémonos no Aula da Naturaleza de Ribeira Grande, onde pasaremos 4 días, do 8 ao 11 de abril, e que servirá de base para as nosas actividades scout.

O Parque Natural O Invernadeiro é un dos espazos montañosos máis auténticos de Galicia, en parte grazas a que se trata dun área inmensa e totalmente despoboada. Non faltan as oportunidades de ver lobos, xabarís, corzos, aguias… Ideal para unha aventura!

As instalacións están estupendamente equipadas, durmiremos en dormitorios e desfrutaremos de auga quente. Que vai frío? Non é excusa!

Aínda non quedaches convencido/a? Iso é porque aínda non sabes que este campamento estará ambientado na saga de libros e películas “O corredor do labirinto”. Xa podes esquecer todo o que creas coñecer, porque o que os elixidos verán a partir de agora non o viron nin nos seus soños.

Non deixes pasar esta oportunidade de pasar unha experiencia scout e de aventura,  ampliar o teu círculo de amizades, a ser máis autónomo e gañar confianza superando os pequenos retos que supón a vida en comunidade de campamento.

O prazo límite de inscrición é o xoves 30 ás 23:59 horas.

 

Benvidos/as ao CLARO

(máis…)